ចំណេះគួរយល់ដឹង៖ ស្វែងយល់ពី អច្ឆរិយវត្ថុធម្មជាតិទាំង ១០ នៅលើពិភពលោក

បង្ហាញពីចំណេះគួរយល់ដឹងមួយ ទាក់ទងនឹងអច្ឆរិយវត្ថុអាថ៌កំបាំងទាំង ៧ នៅលើពិភពលោក ដែលអច្ឆរិយវត្ថុទាំងនេះ សុទ្ធតែបន្សល់ទុកដោយបុព្វបុរសរបស់គេ ហើយសព្វថ្ងៃក៏កំពុងត្រូវបានអភិរក្ស និងថែរក្សាយ៉ាងយកចិត្តទុកដាក់ ពីសំណាក់អន្តរជាតិផងដែរ។

ប៉ុន្តែថ្ងៃនេះ ខ្មែរឡូតនឹងនាំអារម្មណ៍ប្រិយមិត្ត បន្តចំណេះគួរយល់ដឹងថ្មីមួយទៀត ទាក់ទងនឹងអច្ឆរិយវត្ថុធម្មជាតិទាំង ១០ នៅលើពិភពលោកវិញម្តង ដែលអច្ឆរិយវត្ថុទាំងអស់នេះ សុទ្ធតែកើតឡើងដោយឯកឯង ពោលគឺកើតឡើងដោយធម្មជាតិ មិនមែនជាស្នាដៃរបស់ប្រទេសណាមួយ រឺនរណាម្នាក់ឡើយ។

លេខ ១០៖ វាលខ្សាច់ Sahara

គឺជាវាលខ្សាច់ ដែលក្តៅជាងគេបង្អស់នៅលើពិភពលោក និងជាវាលខ្សាច់ធំជាងគេលំដាប់លេខ ៣ បន្ទាប់ពីវាលខ្សាច់ Antarctica និងវាលខ្សាច់ the Arctic។

លេខ ៩៖ Ha Long Bay ប្រទេស វៀតណាម

វាគឺជាបេតិកភ័ណ្ឌពិភពលោក របស់អង្គការយូនីស្កូ និងជាតំបន់ទេសចរណ៍ដ៏ទាក់ទាញនិងល្បីល្បាញមួយ នៅខេត្ត Quang Ninh ប្រទេស វៀតណាម។

លេខ ៨៖ ភ្នំអេវ៉ឺរ៉េស

ប្រជាជនទីប៉េ ហៅភ្នំអេវ៉ឺរ៉េសដែលជាភ្នំមានកម្ពស់ខ្ពស់ជាងគេនៅលើពិភពលោកថា Qomolangma ដែលមានន័យថា “ទេពអប្សររបស់ពិភពលោក” ដែលបច្ចុប្បន្នភ្នំមួយនេះ កំពុងទាក់ទាញអ្នកវិទ្យាសាស្ត្រ និងភ្ញៀងទេសចរណ៍ជាច្រើន ដើម្បីធ្វើដំណើរឡើងភ្នំផងដែរ។

លេខ ៧៖ Antarctica

Antarctica គឺជាតំបន់វាលទឹកកក ដែលស្ថិតនៅខាងក្រោមបង្អស់របស់ផែនដី ពោលគឺនៅប៉ូលខាងត្បូង។

លេខ ៦៖ Great Barrier Reef ប្រទេស អូស្ត្រាលី

Great Barrier Reef គឺជាតំបន់ប្រព័ន្ធផ្កាប៉ប្រះទឹក ដ៏ធំជាងគេបង្អស់នៅលើពិភពលោក គ្រប់ដណ្តប់ដោយរុក្ខជាតិផ្កាប៉ប្រះទឹកជា ២ ៩០០ ប្រភេទ និង កោះចំនួន ៩០០ ក្នុងផ្ទៃក្រឡាជិត ៣៤៤ ៤០០ គីឡូម៉ែត្រការ៉េ។