ត្រប់ឆាស្ងួត
គ្រឿងផ្សំ
-ត្រប់វែង ២ផ្លែ
-យីហ៊ឺ ១/៤ពែង
-បង្គាក្រៀម ២-៣ស្លាបព្រាបាយ
-ដើមខ្ទឹមហាន់ ២ដើម
-ម្ទេសដៃនាង យកគ្រាប់ចេញ ចិតបន្ទះវែងៗ ១ផ្លែ
-ម្ទេសអាចម៍ឆ្មាគ្រាប់ធំ ហាន់ជាចំណិត (បើសិនមិនចូលចិត្ត មិនដាក់ក៏បាន) ២ផ្លែ
-ខ្ទឹមសហាន់ធំៗ ១/២ស្លាបព្រាបាយ
-ប្រេងសម្រាប់ឆា និងចៀន
-ទឹកស៊ីអ៊ីវសម្រាប់ផ្សំរសជាតិ
-ការ៉ុត ចិតសម្រាប់តុបតែង
- វិធីធ្វើ
២- ចិតត្រប់វែងជាចំណិតៗប្រវែង៣.៥ស.ម ចៀនក្នុងខ្លាញ់ក្ដៅ រហូតដល់ចាប់ផ្ដើមស្លោកស្វិត ដួសឡើងសម្រស់ខ្លាញ់ទុកសិន។
៣- ដាក់ដាំខ្ទះ ដាក់ប្រេងឆា រហូតក្ដៅ ដាក់ខ្ទឹមស ម្ទេសដៃនាង ម្ទេសអាចម៍សត្វ ដើមខ្ទឹមហាន់ ចៀនឲ្យបានក្លិនឈ្ងុយ សឹមដាក់យីហ៊ឺ និងបង្គាក្រៀមឆារួមគ្នា (បើកភ្លើងល្មមៗ) ឲ្យយីហ៊ឺឆ្អិន ដាក់ត្រប់វែង ដែលឆាទុក មកឆាជាមួយគ្នា ដាក់ទឹកដែលត្រាំយីហ៊ឺបន្តិចដាក់ទឹកស៊ីអ៊ីវ ដំឡើងភ្លើងឲ្យខ្លាំងបន្តិច ឆារហូតហួតទឹក មុននឹងដួសឡើង រួចរោយការ៉ុតតុបតែងឲ្យស្អាត៕
ស្លាបមាន់បំពង
* គ្រឿងផ្សំ
ស្លាបមាន់ (យកត្រឹមគល់ស្លាប) ៦០០ ក្រាម និងម្សៅសម្រាប់បំពងសាច់ ៣ ស្លាបព្រាបាយ។
*គ្រឿងផ្សំប្រឡាក់សាច់
ទឹកស៊ីអ៊ីវ ម្សៅឆា ទឹកខ្ញីមួយមុខៗមួយស្លាបព្រាបាយ តៅហ៊ូប្រៃ (កិនឲ្យម៉ដ្ឋ លាយទឹកបន្តិច) ២ស្លាបព្រាបាយ ស្ករ ១ ស្លាបព្រាកាហ្វេ និង អំបិលកន្លះស្លាបព្រាកាហ្វេ និង អំបិលកន្លះស្លាបព្រាកាហ្វេ។
*គ្រឿងផ្សំទឹកជ្រលក់
ខ្ទឹមក្រហមក្រៀម និង ស្ករមួយមុខៗ ១ ស្លាបព្រាបាយ ខ្ទឹមសចិញ្ច្រាំ ១ ស្លាបព្រាកាហ្វេ ទឹកតៅហ៊ូប្រៃ ២ ស្លាបព្រាបាយ ទឹកមួយភាគបួនកែវ ទឹកស៊ីអ៊ីវ និង ស៊ីអ៊ីវខាប់មួយមុខៗ កន្លះស្លាបព្រាកាហ្វេ និង ម្សៅស៊ុបខ្នរ ១ ស្លាបព្រាកាហ្វេ។
*វិធីធ្វើ
១- ស្លាបមាន់លាងទឹកឲ្យស្អាត និង សម្រក់ទឹកឲ្យស្ងួត ទើបយកទៅច្របល់ជាមួយគ្រឿងសម្រាប់ប្រឡាក់សាច់ ដោយផ្អាប់ទុកមួយម៉ោងទុកប្រើការ។
២- ប្រើម្សៅសម្រាប់បំពងសាច់ ប៉ាតជុំវិញដុំស្លាបមាន់ និង ដាក់បំពងរហូតឆ្អិនពណ៌ក្រហមទើបស្រង់ដាក់ចាន។
៣- ដាក់ខ្លាញ់មួយស្លាបព្រាបាយ រង់ចាំខ្លាញ់ក្ដៅហុយផ្សែង ទើបដាក់ខ្ទឹមក្រហមក្រៀមទឹកតៅហ៊ូប្រៃ និង ខ្ទឹមសចិញ្ច្រាំចូលបំពងយកក្លិនឈ្ងុយ។ បន្ទាប់មកចាក់គ្រឿងផ្សំទឹកជ្រលក់ដែលនៅសេសសល់ចូលរម្ងាស់ទាល់តែ ពុះ ទើបដួសចានផ្សេងមួយទៀតសម្រាប់ជ្រលក់ស្លាបមាន់បំពង៕
ឆាឆ្អឹងជំនីរបំពងម្នាស់
-បរិមាណមនុស្សទទួលទាន ៖ ២នាក់
-រយៈពេលរៀបចំគ្រឿងផ្សំ ៖ ១០នាទី
-រយៈពេលចម្អិន ៖ ១៥នាទី
គ្រឿងផ្សំ
-ឆ្អឹងជំនីរជ្រូក ៣០០ក្រាម(៣ខាំ)
-ម្នាស់ ១ចំហៀង
-ខ្ទឹមស ៥០ក្រាម
-ទឹកត្រី ១០មីលីលីត្រ
-អំបិល កន្លះស្លាបព្រាកាហ្វេ
-ស្ករស ១ស្លាបព្រាកាហ្វេ
-ប៊ីចេង ១ស្លាបព្រាកាហ្វេ
-ស្លឹកខ្ទឹម ២មើម
-ខ្លាញ់ ៥០ក្រាម
-រយៈពេលរៀបចំគ្រឿងផ្សំ ៖ ១០នាទី
-រយៈពេលចម្អិន ៖ ១៥នាទី
គ្រឿងផ្សំ
-ឆ្អឹងជំនីរជ្រូក ៣០០ក្រាម(៣ខាំ)
-ម្នាស់ ១ចំហៀង
-ខ្ទឹមស ៥០ក្រាម
-ទឹកត្រី ១០មីលីលីត្រ
-អំបិល កន្លះស្លាបព្រាកាហ្វេ
-ស្ករស ១ស្លាបព្រាកាហ្វេ
-ប៊ីចេង ១ស្លាបព្រាកាហ្វេ
-ស្លឹកខ្ទឹម ២មើម
-ខ្លាញ់ ៥០ក្រាម
-
ឆ្អឹងជំនីរជ្រូកត្រូវលាងឱ្យស្អាត កាប់តូចៗល្មម
-
ម្នាស់ត្រូវលាងទឹកឱ្យស្អាតពុះជាពីរ ចិតជាចំណិតបញ្ឆិតមិនស្ដើងពេក និងមិនក្រាស់ពេក
-
ស្លឹកខ្ទឹមត្រូវលាងឱ្យស្អាត រួចហាន់ខ្លីល្មម
-
ខ្ទឹមសត្រូវបកសម្បកចេញលាងទឹកឱ្យស្អាត ហើយចិញ្ច្រាំកុំឱ្យម៉ដ្ឋពេករបៀបរៀបចំគ្រឿងផ្សំ របៀបធ្វើ ដំបូងត្រូវដាក់ខ្ទះឱ្យក្ដៅ ហើយដាក់ខ្លាញ់ចូលទុកឱ្យក្ដៅដាក់ខ្ទឹមសចូលទុកឱ្យក្រហមប្រឿងៗ បន្ទាប់មកដាក់ឆ្អឹងជំនីរជ្រូក បំពងឱ្យក្រហម ទើបដាក់ម្នាស់ចូលជាមួយទឹកត្រី ស្ករស ប៊ីចេង អំបិល លៃឱ្យសមល្មម ទុកមួយសន្ទុះ រួចដួសដាក់ចានហើយត្រូវ ដាក់ស្លឹកខ្ទឹមរោយពីលើជាការស្រេច។
បញ្ជាក់ ៖ ម្ហូបនេះអាចទទួលទានបានជាមួយបាយស។
ឆាក្ដៅអន្ទង់
-បរិមាណមនុស្សទទួលទាន ២នាក់
-រយៈពេលចម្អិន ៥នាទី
-រយៈពេលរៀបចំគ្រឿងផ្សំ ១៥នាទី
គ្រឿងផ្សំ
-អន្ទង់ ៣ខាំ
-ខ្ទឹមស ១មើម
-ស្លឹកក្រូចសើច ១សន្លឹក
-ខ្ជាយ ១ចំណិត
-រំដេង ១ចំណិត
-គល់ស្លឹកគ្រៃ ២គល់
-ម្ទេស ១គ្រាប់
-ប៊ីចេង កន្លះស្លាបព្រាកាហ្វេ
-ទឹកត្រី កន្លះស្លាបព្រាបបរ
-ខ្លាញ់ ២ស្លាបព្រាបបរ
-ស្ករ កន្លះស្លាបព្រាកាហ្វេ
-ម្រះព្រៅ ទៅតាមការចូលចិត្ដ
-សណ្ដែកដីឆ្អិន ១ស្លាបព្រាបាយ។
របៀបរៀបចំគ្រឿងផ្សំ
-សូមយកអន្ទង់មកលាងជាមួយទឹកអំបិលឱ្យអស់ក្អែលខ្មៅៗឱ្យស្អាត បន្ទាប់មកត្រូវវះយកពោះចេញ ហើយកាត់ជាកង់ៗល្មម។ បន្ទាប់មកត្រូវយកទៅបំពងជាមួយនឹងខ្លាញ់ឱ្យឆ្អិនល្មម មិនត្រូវឱ្យបែកសាច់អន្ទង់នោះទេ បន្ទាប់មកត្រូវដួសទុកដោយឡែក។
-ខ្ទឹមសចែកជាពីយកទៅចិញ្ច្រាំកុំឱ្យម៉ដ្ដពេកមួយចំហៀង និងយកទៅបុកជាមួយគ្រឿងមួយចំហៀង
-ម្ទេសហាន់ជាចំណិតវែងៗ
-សណ្ដែកដីយកទៅបុកកុំឱ្យម៉ដ្ដពេក
-ម្រះព្រៅបេះយកតែស្លឹកហើយយកទៅលាងទឹកឱ្យស្អាត
-ស្លឹកក្រូចសើច រំដេង ខ្ជាយ គល់ស្លឹកគ្រៃលាងទឹកឱ្យស្អាតយកទៅហាន់ស្ដើងៗ ហើយបុកចូលគ្នាឱ្យម៉ដ្ដ បន្ទាប់មកដាក់ខ្ទឹមសចូលហើយបុកចូលគ្នាឱ្យម៉ដ្ដម្ដងទៀត។
របៀបធ្វើ
ជាដំបូងដាក់ខ្ទះឱ្យក្ដៅហើយដាក់ខ្លាញ់ឱ្យក្ដៅ បន្ទាប់មកដាក់ខ្ទឹមសដែលចិញ្ច្រាំ និងម្ទេសចូលឆាឱ្យឡើងជើងអង្ក្រងល្មម បន្ទាប់មកដាក់គ្រឿងបុកចូលឆាឱ្យឈ្ងុយ ហើយដាក់អន្ទង់ចូល។ បន្ទាប់មកត្រូវដាក់ស្ករស ទឹកត្រី និងប៊ីចេងរួចភ្លក់មើលទើបដាក់ សណ្ដែកដីរួមទាំងម្រះព្រៅចូល រួចដួសដាក់ចានជាការស្រេច។
បញ្ជាក់ ៖ ម្ហូបនេះអាចទទួលទានបានជាមួយបាយស ឬអាចធ្វើជាគ្រឿងក្លែមក៏បាន។
ទឹកក្រឡុកចេកអំបូង - ម្នាស់
គ្រឿងផ្សំ៖ ម្នាស់ ចេក ទឹកឃ្មុំ ទឹកកក
១- ចេកអំបូងទុំ ១ផ្លែ, ទឹកម្នាស់ កន្លះពែង , ទឹកឃ្មុំ ១ស្លាបព្រាបាយ, ទឹកកកឈូស កន្លះពែង , ជីអង្កាមសម្រាប់តុបតែងលម្អ
២- ហាន់ចេកអំបូង ជាចំណិតតូចៗ
៣- ដាក់ចេកអំបូង ក្នុងថូម៉ាស៊ីនក្រឡុក រួចដាក់ទឹកម្នាស់ ទឹកឃ្មុំ និងទឹកកកឈូសចូល (ឬដាក៉ទឹកកកឈូស ពេលក្រឡុកហើយ ចាក់ដាក់កែវទទួលទានក៏បាន )
៤- ចាក់ដាក់កែវ រួចតុបតែងលម្អ ដោយជីរអង្កាម
គុណប្រយោជន៌ផ្នែកអាហារ
ចេកអំបូងសម្បូរទៅដោយជីវជាតិ អាហារសំខាន់ៗ ដូចជាថាមពល កាឡូរី ការបូអ៊ីដ្រាត ប្រូតេអ៊ីន ខ្លាញ់ កាកសរសៃអាហារ ។
គុណប្រយោជន៍ផ្នែកឱសថ
ផ្លែចេក មានសព្វព្យាបាលអាការខុសប្រក្រតីរបស់រាងកាយ ដូចជាសមាធឈាមឡើងខ្ពស់ (លើសឈាម) កម្ចាត់ជាតិពុល ក្នុងរាងកាយ ជួយអោយសួតស្រស់ថ្លានិងបំបាត់ការស្រេកទឹក ៕
មីឆាពងទា សាច់ក្រក
គ្រឿងផ្សំ៖ សាច់ក្រក ការ៉ុត ខាត់ណា ប្រេងឆា ទឹកស៊ីអ៊ីវ ពងទា មី
១- មីកញ្ចប់ ១កញ្ចប់ , ស៊ុតមាន់ឬទា ១គ្រាប់ , ប្រេងឆា ១ស្លាបព្រាបាយ , ដើមខាត់ណា ហាន់បញ្ឆិតៗ ២ដើម, ការ៉ុតហាន់ស្តើងវែងៗ ១/៤ពែង , សាច់ក្រកហាន់បញ្ឆិតៗ ២ដុំ , ទឹកម្ទេស ១ស្លាបព្រាបាយ, ទឹកស៊ីអ៊ីវ ១/២ស្លាបព្រាបាយ
២- ស្រុសមីអោយឆ្អិន ស្រង់ឡើងអោយស្រស់ទឹក
៣- គោះស៊ុតមាន់ឬទា ដាក់ចានផ្សំទឹកស៊ីអ៊ីវ ទឹកម្ទេស វាយអោយចូលគ្នាអោយសព្វ
៤- ដាក់ដើមខាត់ណា ការ៉ុត សាច់ក្រក រួចដាក់មីចូលទៅ កូរចូលគ្នាអោយសព្វម្តងទៀត
៥- ដាក់ខ្ទះលើភ្លើង ចាក់ប្រេងឆាចូលអោយក្តៅ ឆាអោយលឿងទាំងសងខាង ដួសឡើង រោយម្រេច រោយជីវ៉ាន់ស៊ុយ (បើចូលចិត្ត)ទទួលទានទាន់ក្តៅៗ ៕
ភ្លៅមាន់បំពងល្ងស
គ្រឿងផ្សំ៖ មាន់ ខ្ញី អំបិល ពងមាន់ ម្រេច ស្រា ពងទា
១- ពងមាន់ ឬពងទា(គោះយកតែពងស) ,ភ្លៅមាន់២ភ្លៅ និងល្ងស ១ពែង, ខ្ញី១ដុំតូច និងស្រា ១ស្លាបព្រាកាហ្វេ, ម្រេចម៉ដ្ឋ ១/៤ស្លាបព្រាកាហ្វេ និងអំបិល ១/២ស្លាបព្រាកាហ្វេ, ម្សៅស៊ុប ១/២ស្លាបព្រាកាហ្វេ និងម្សៅឆា ៣ស្លាបព្រាបាយ
២- ភ្លៅមាន់ត្រូវភ្លឿយយកឆ្អឹងចេញ ហើយភ្លៅមាន់នីមួយៗ ត្រូវកាប់ជា ៤ដុំ ខ្ញីត្រូវហាន់ជាបន្ទះស្តើងៗ
៣- ដុំភ្លៅមាន់ត្រូវចាក់ចូលចាន ដោយលាយជាមួយនិងខ្ញី , ស្រា, អំបិល ,ម្សៅស៊ុប, ម្រេចម៉ដ្ឋ និងម្សៅឆា ដោយច្របល់ប្រឡាក់អោយចូលជាតិ និងផ្អាប់ទុក កន្លះម៉ោង ទើបស្រង់ខ្ញីចេញ
៤- ដុំភ្លៅមាន់ដែលប្រឡាក់គ្រឿងចូលហើយ ត្រូវផ្តិតនឹងទឹកពងមាន់ ឬទា ស បន្ទាប់មកត្រូវរោយល្ងសពីលើ អោយសព្វសាច់
៥- ចាក់ខ្លាញ់ ឬប្រេងឆាក្នុងខ្ទះ (បរិមាណគឺត្រូវប៉ាន់ស្មាន ពេលបំពងត្រូវអោយលិចសាច់) រង់ចាំខ្លាញ់ក្តៅហ៊ុយផ្សែង រួចចាក់ដុំភ្លៅមាន់ចូល ទៅបំពងរហូតទាល់តែឆ្អិនឡើងពណ៌ពងកន្លាត ទើបស្រង់ចេញ
ចំណាំ : ប្រសិនបើភ្លៅមាន់ធំពេក ដែលមិនងាយនឹងឆ្អិនល្អនោះ គេអាចបំពងវាត្រឹងតែឆ្អិនប្រហែលជា ៦០% ទើបស្រង់ចេញ ហើយពេលវាត្រជាក់ទើបដាក់បំពងសាជាថ្មី ម្តងទៀត ឬក៏អាចបិទភ្លើងចោល ដោយរង់ចាំខ្លាញ់ឬប្រេងឆាចុះកំដៅ ទើបបើកភ្លើងចង្រ្កានសាជាថ្មី។
បំពងអាហារមិនអោយបៀមខ្លាញ់
អាហារដែលត្រូវប្រើប្រេងចៀន ឬបំពង មិនថាជាចាខ្វៃ នំច្រមុះជ្រូក ស៊ុតចៀន សាច់មាន់ចៀន។ល។ នឹងបាត់បង់រសជាតិឆ្ងាញ់ ប្រសិនបើពេលទទួលទានវាហើយមានអារម្មណ៍ថា វាបៀមខ្លាញ់រហូតធ្វើអោយទ្រលាន់។ ប៉ុន្តែយើងមានតិចនិចល្អដែលជួយធ្វើអោយអាហាររបស់អ្នកមិនបៀម ប្រេងឡើយ ដោយគ្រាន់តែដាក់ទឹកខ្មេះចូលក្នុងប្រេងដែលបំពង (បន្តិចបន្តួច) រួចបំពងតាមធម្មតា នោះអ្នកនឹងលែងឆ្អើមនិងអាហារទាំងនោះទៀតហើយ៕
វិធីធ្វើម្ហូប៖ ស៊ុបក្តាម
គ្រឿងផ្សំ :
-ប្រេងរុក្ខជាតិ ២ស្លាបព្រា
-ម្សៅការី ២ស្លាបព្រា
-ខ្ញីស្រស់ចិញ្ច្រាំម៉ត់ ២ស្លាបព្រា
-ខ្ទឹមក្រហម ៣មើម ចិញ្ច្រាំម៉ត់
-ល្ពៅក្រហម៨០០ក្រាម កាត់ដុំតូចៗ
-ប៉េងប៉ោះ ២ផ្លែ (ចោលសម្បកនិងគ្រាប់រួចចិញ្រ្ចាំម៉ត់)
-ទឹកស្ងោមាន់ ៧៥០ម.ល
-ទឹកខ្ទឹះដូង ២៧០ម.ល
-ទឹកត្រី ១ទៅ២ស្លាបព្រាកាហ្វេ
-ទឹកក្រូចឆ្មា ២ស្លាបព្រាស៊ុប
-សាច់ក្ដាម កន្លះចាន(អាចប្រើសាច់បង្កង)
-ម្ទេសដៃនាង ២ផ្លែ ហាន់ស្ដើង
-ជីវ៉ានស៊ុយ ២ ទៅ៣ធាង
-ខ្ទឹមលីង ២ស្លាបព្រា
វិធីធ្វើ
កំដៅប្រេងឆា រួចចាក់ម្សៅការីចូល ឆាឱ្យឡើងឈ្ងុយ។ ចាក់ខ្ញីស្រស់ និង ខ្ទឹមក្រហមចូល
ឆាស្មើដៃ ដើម្បីឱ្យចូលជាតិ បានល្អ។
ក្រោយមក ចាក់ល្ពៅនិងប៉េងប៉ោះចូល ចាក់ទឹកស្ងោមាន់ចូលនឹងកំដៅឱ្យពុះ។ បន្ថយភ្លើង
បន្តិច រហូតដល់ល្ពៅផុយ។ យកគ្រឿង ដែលបានចម្អិននេះ ទៅកិនឱ្យម៉ត់ រួចចាក់ចូល
ក្នុងឆ្នាំងផ្សេង។
បន្ទាប់មក កំដៅគ្រឿងផ្សំ ដែលបានកិនរួចនេះ ដោយភ្លើងតិចៗ ចាក់ទឹកខ្ទឹះដូង និង ទឹក
សុទ្ធចូល កូរស្មើឱ្យសព្វ រហូតដល់ស៊ុបនេះ សព្វ និង ចូលជាតិ បានល្អ។ ថែមទឹកត្រី និង
ទឹកក្រូចឆ្មា ចូល។ រួចដួសស៊ុបនេះចេញ ហើយត្រូវដាក់សាច់ក្ដាម ម្ទេស២ ទៅ៣ ចំណិត
ស្លឹកជីវ៉ានស៊ុយ និងខ្ទឹមលីងចូល ជាការស្រេច៕